أكثر حاجة مخوفانى مش إننا بنرجع لبعض . أكثر حلجة مخوفانى السهولة اللى بنرجع بيها لبعض . مهما عمل و مهما عملت . نشتم بعض ، نتخانق أو حتى نفترق بإتفاق . دائماً بنرجع و دائماً بنكمل من أخر نقطة . و أخر نقطة دايماً بتكون نقطة البداية .
أكثر حاجة بترعبنى مش هو ، مش كم الشر اللى هو قادر عليه . أكثر حاجة بترعبنى هى قدرتى الفائقة على النسيان . أكثر حاجة مخوفانى نفسى .
أنا مش بخاف من الناس ، أنا خايفة من نفسى . خايفة من جنونى و لحظات الضعف و الوحدة .
4 comments:
متخافيش يا شيماء!
أنا معاك حتى النهاية
:)
Hello Eternam Enigma
طيب أنا كده إطمنت إنى مش لوحدى
:)
شكراً على الزيارة و التعليق
أيوة
أنا فهماكي كان لي زميلة بالعمل
زي ما كتبت بالظبط مرتبطة بشخص وكل يوم يتشاكلوا ويشتموا بعض ويرجعوا يتصالحوا
تركت العمل ولكني قابلتها وتزوجت منه وحامل زمانها ولدت ؟؟
لست أدري ولكن الاحترام أهم شئ
ممكن الحب يداوي الجراح دلوقتي لكن مع السنين الاساءة مبتتنسيش زي ما انت متصورة انت سامحتي لكن مبتنسيش
تعرفى إن مشكلتى إنى مش بسامح ، أنا دائماً بنسى . ربنا مدينى نعمة الذاكرة التيفال اللى مش بيلزق فيها حاجة .
علشان كده بكرر أخطائى ، ما هو أنا مش بفتكر أصلاً الغلط حصل ليه ، دائرة مفرغة من التكرار و الحمار برضوا مش بيتعلم :)
ربنا يوفق صديقتك و يديها الخلف الصالح إن شاء الله
Post a Comment