Thursday, April 9, 2009

إنتهيت من قراءة كتاب جمال بدوى الفاطمية دولة التفاريح و التباريح . و كالعادة إستمتعت بلقطات خاطفة من فترة مهمة من فترات التاريخ المصرى التى تركت بصمتها على المصريين حتى اليوم .
و الجميل ما ذكره الكاتب من سخرية المصريين من حكامهم الفاطميين كعادة الشعب المصرى و هى العادة التى أسعد كثيرَا بوجود دلائل على تأصلها فى دماء المصريين .
فقد كان الفاطميون يزمعون قدرتهم على إدعاء الغيب و معرفة مكنونات الصدور و يروى أن الخليفة العزيز صعد المنبر يومًا ليخطب الجمعة ، فوجد رقعة مكتوبًا فيها هذان البيتان من الشعر
بالظلم و الجور قد رضينا ،،،، و ليس بالكفر و الحماقة
إن كنت أعطيت علم غيب ،،،، فقل لنا كاتب البطاقة
حكم الفاطميين مصر مئتا سنة دخلوها على أمل إقامة دولة شيعية مذهبية . شغلوا المصريين بالفوانيس و الكنافة و القطائف على أمل أن يتبع المصريين مذهبهم و لكنهم أخذوا من المصريين تأليه حكامهم و إدعوا بألوهية الحاكم بأمر الله
و ذهب الفاطميين و بقت النكتة

17 comments:

kochia said...

عجبوني اوي بيتين الشعر دول
ولاد نكتة من يومهم

تحياتي

ألِف said...

في الأوقات دي لازم نخلي بالنا أننا ما نخلطش بين التيارات السائدة حالية من الشيعة الجعفرية و بين المذهب الإسماعيلي الباطني.

الفاطميين كمان ماكانوش مهتمين قوي بنشر مذهبهم، لأنهم من المؤمنين بوجود دين للعامة و آخر للخاصة، هم كانوا يهمهم أن الناس يحبوهم و خلاص، و الاحتفالات و الطقوس كانت جزء من الهالة ال أي ملك كاهن بيحيط بها نفسه.

أما بقى حكاية الدولة المذهبية فدي كانت طبيعة الزمان و كل الدول في الوقت دا ينطبق عليها أنها مذهبية. صلاح الدين الأيوبي قضى على دولة الفاطميين و أنشأ دولة سنية مذهبية برضو.

ألِف said...

مع فرق طبعا أن الدولة الفاطمية من المرات القليلة (الوحيدة؟) في التاريخ الإسلامي ال توحد فيها الملك الديني و القيادة الروحية في شخص واحد، و دا ما كانش موجود في الدول الأخرى سواء سنية أو شيعية.

تشبيهك الدولة الفاطمية بالدولة المصرية القديمة صحيح إلى حد كبير، و يمكن علشان كدا المصريين حبوهم (على عكس ادعاءات ال لهم دوافع أيديولوجية، مافيش شواهد على أنهم كرهوهم، و دا بغض النظر عن كفائة الفاطميين كحكام)، و التشبيه كان طرأ لي برضه و انا بافكر في الموضوع من فترة، لكن مع فرق أن الدولة المصرية القديمة إلى عصر الرعامسة كانت على نمط بيسموه الخواجات كايسروبابوي Caesaropapism و فيه يضطلع الملك ال هو أصلا حاكم دنيوي بدور الكاهن الأكبر.

Shimaa Gamal said...

عزيزتى كوشيا
فعلاً البيتين دول يثبتوا إن المصريين ولاد نكتة من يومهم
منورانى دائمًا

Shimaa Gamal said...

ألف
أولاً شكرًا على الزيارة و التعليق
ثانيًا على الرغم من إن الغرض من التدوينة لم يكن مناقشة المذهب الشيعى و لا الدولة الفاطمية و لكن توضيخ خفة الدم المصرية
إلا إنى أتفق معاك إن التيارات الشيعي السائدة فى المناطق اللى بيجيبوها فى الأخبار :) تختلف عن المذهب الإسماعيلى التى كانت عليه دولة الفاطميين .

أما عن إهتمام الفاطمين بنشر مذهبهم ، هم كانوا مهتمين بنشر المذهب و لكنهم لم يدفعوه دفعًا على المصريين . إتبعوا اللين و تركوا للمصريين حرية الإختيار و لكن ثابت تاريخيًا إن الأزهر كان منارة لتدريس المذهب الشيعى بالأساس . و لكن العلم فى ذاك الوقت كان حكرًا على الخاصة . يعنى سواء كان المذهب سنى أو شيعى الشعب مش فاهم . و لكن الفاطميين غيروا فى صيغة الأذان مثلاً و لكن الشعب ما كنش فارقة معاه لإنها كانت دولة فرفشة و أنس و علشان كده المصريين حبوهم زى ما إنت قلت . و الدولة الفاطمية كانت الأكثر تأثيرًا على المصريين و أثرها باقى إلى الآن .
أما إن المذهبية كانت طبع الزمان ، هى مش المذهبية و لكنها القاعدة إن الشعوب على دين ملوكها .

أسعدنى جدًا تعليقك و كان إضافة هامة لموضوع كان الغرض منه سطحى تمامًا :)

شكرًا مرة تانية

soly88 said...

هذا يدل على حيوية الشعب المصرى وينفى عنه صفة السذاجه
والمثل المصرى الشائع بيقول:
اصبر على جار السو ييرحل يا تيجى داهيه تشيله

Shimaa Gamal said...

سولى
فعلاً المثل المصرى ده المصريين متمسكين بيه من سنيين

شكرًا على الزيارة

Tadwina said...

مرحباً شيماء>،
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/970

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

kochia said...

انتي فين يا امورة
وحشتيني

Shimaa Gamal said...

كوشيا حبيبتى ، وحشانى قوى
أنا يا ستى أعز صديقة ليا كان فرحها إمبارح ، فكنت مشغولة معاها الفترة اللى فاتت دى ، بس إن شاء الله هانام إسبوع كده أعوض التعب و تلاقينى ظاهرة تانى

ألف شكر على السؤال
ربنا يخليكى ليا

hartaka said...

انا قريت الكتاب دة من سنة
واستمتعت بيه جدا
كان تاني كتاب اقراة لجمال بدوي وعجبني اسلوبة السلس وقررت بعدها اني اجمع كل كتبة

تحياتي

blue-wave said...

الفاطميين زيهم زى اى عصر
اضافوا
واخذوا
وليس من العدل التحامل عليهم ووصفهم بالفساد

Shimaa Gamal said...

هرطقة
ياه ده أنا وحشة قوى ، كل ده ما ردتش :)
جمال بدوى كان له برنامج بيملوا بيه الوقت الميت فى التليفزيون زمان
كان إسمه قطايف
واحد من أحلى البرامج اللى أكيد المسؤلين فى التلفزيون إستغلوا الأشرطة المتسجل عليها فى تسجيل ماتشات الكورة

يا ريت تقولى على أسامى الكتب لما تقراها علشان اللى مش عندى أجيبه

Shimaa Gamal said...

بلو - ويف
محدش قال على الدولة الفاطمية إنها فاسدة
يعنى مافيش تحامل و مش زى أى عصر قوى ، هو واحد من أكثر العصور تأثيرًا على مصر الحالية
فى طقوس كثير و عادات إتولدت أو كانت قائمة و حورت فى العصر الفاطمى و لسة عايشة لحد دلوقتى

Dr. Eyad Harfoush said...

مقال طريف عن كتاب جيد في مجمله ولكنه ليس مفصلا بما يكفي عن دولة الفاطميين وتاريخ الحاكم بأمر الله خاصة، تقديري أن الطائفة الدرزية ظهرت من مصر وقت الحاكم مع تكثيف الترجمه من الفسلفات اليونانية القديمة والتي استهوت الحاكم، فخرجت الدرزية تخلط مفاهيما اسلامية بفلسفة اليونان بما فيها عقيدة الحلول

لكني أختلف معك بشأن أثر الفاطميين على مصر والشخصية المصرية، فقد صارت مصر بعدهم أقرب مجتمعات السنة لعادات وثقافة الشيعة، وصارت مؤهلة لتقود حركة التقريب بين المذاهب في عهد رجال بحجم الشيخ شلتوت رحمه الله وأثابه
تحياتي وتقديري

Shimaa Gamal said...

عزيزى إياد
فعلاً الكتاب فى مجمله خفيف غير مفصل عن الدولة الفاطمية ، و فعلاً الفاطميين جعلوا المصريين سنّى المذهب شيعىّ الهوى

دور مصر فى التقريب بين المذاهب موجود بس صوته واطى بالنسبة لأصوات تانية كثير ضد التقريب

أسعدتنى زيارتك

اسمي أحمد .. لو مخانتنيش الذاكره !! said...

ما شاء الله ... ايه الإبداع ده ؟ .. اسلوب راقي و متميز ما شاء الله

اول مره ازور المدونه بس ان شاء الله نتابع دايما مع حضرتك

كل المدونين بقو بيكتبو باحترافيه و انا اللي وقعت من قعر الأفه يعني ؟

ههههههههه

يا ريت اتشرف بحضرتك في مدونتي المتواضعه

http://ra7alaat.blogspot.com/

شكرا لوقتك