مجموعة توضيحات علشان حالة الهلع السائدة بين بعض الناس و حالة عدم التركيز و خلط الأوراق
التوضيح الأول ... الخوف من الإسلاميين مش إنهم هايتبقوا الشريعة و الخوف إن الناس سواء عن وعى أو عن حماس بتخلق أغلبية مطلقة بشرعية الصندوق
يعنى لما الكتلة الإسلامية يكون لها أكثر من الثلثين فى مجلس الشعب ، كده بقى عندنا حزب وطنى جديد قوانينه تصدر كلها بكلمة موافقة من غير إعتراض
شرعية الصندوق و الأغلبية المطلقة لأى مجموعة هى السبب الرئيسى للخوف . لا تطبيق الشريعة و لا منع الملوخية سبب للخوف
التوضيح الثانى ، الإخوة بتوع أصل مجلس الشعب بدون صلاحيات . برجاء فتح كتاب الفصل بين السلطات فى مجلد النظام الرئاسى باب السلطة التشريعية
مجلس الشعب هو السلطة التشريعية . يعنى إيه ، يعنى غير إنه فى الظروف المهببة دى هاينتخب لجنة وضع الدستور . لا هايبقى مكنة إصدار قوانين
القوانين دى هى العصب بتاع دولة القانون اللى بتسمعوا عليها فى التلفزيون . و القوانين لا تسقط بالتقادم . لازم تشريع جديد يلغى القوانين دى
و لهذا مجلس الشعب ده مهم جدًا . لإنه ممكن فى شهر واحد يضبطنا قوانين مانعرفش نخلص منها فى أى وقت قريب و كلها صدرت على نظام فتحى موافقة
التوضيح الثالث ، الإنتخابات نقلت اللعبة فى مصر لمستوى جديد ، بغض النظر عن النتائج . زى إستفتاء مارس كده . رجاء نكبر و نبقى على مستوى اللعبة
1 comment:
10/10!
Post a Comment