وبعيدًا عن سؤال "مين أحمد ده؟"،
سؤال يعني إيه حب حير الملايين منذ الأزل. ملايين حاولوا يجابوا السؤال ملايين
فشلوا، لإن السؤال مازال مطروحًا وبقوة في كل لحظة في حياة كل واحد فينا.
يعني إيه حب بقى؟
موقع سايكولوجي توداي – موقعي المفضل الفترة
دي – نشر مقال فيه إجابة ظريفة لسؤال يعني إيه حب. المقال بيحاول يفرق بين الصداقة والحب.
تبدأ الحكاية بأحمد اللي في السؤال ونفسية
اللي بتسأله. نظرة وإبتسامة وموعد ولقاء ومشاعر.
أحمد ونفيسة بيتشاركوا 5 اشكال من المشاعر
اللي الكل بيربطها بالحب
الإنجذاب والحميمية والإحترام والدعم
والإستمتاع.
لكن المشاعر الجميلة دي، رغم إن أحمد ونفيسة
غالبًا هيفتكروها حب إلا إنها ممكن ما تكونش أكثر من صداقة. لإن المشاعر الجميلة
دي لا تكفي لبناء علاقة. علشان المشاعر دي تبقى علاقة محتاجين خمس مكملات
الأهداف المشتركة، الوقت والإهتمام، الإعتماد
المتبادل، التصور (الوهم) الإيجابي، التأثير، وأخيرًا الإلتزام
يعني إيه حب بقى؟
يعني الإلتزام بالإنجذاب والحميمية والإحترام
والدعم والإستمتاع وبذل الوقت والإهتمام لتحقيق الأهداف المشتركة في إطار من
الإعتماد المتبادل وعدم فقد التصور الإيجابي عن الشريك.
سامع يا أحمد؟!
===
No comments:
Post a Comment