هو: خايفة ليه؟
هي: *صمت*
هو: *بغضب* خايفة ليه؟!
هي: خايفة أحبك ..
هو: *بسخرية* أنا كنت فاكر إنك بتحبيني! إنت قلت إنك بتحبيني رغم إني ما طلبتش منك كده!
هي: أنا بحبك فعلًا. بحبك الحب اللي عارفاه. بحب فيك نفسي، صورتي، ملامحي اللي بتتسرب يوم بعد يوم لملامحك. بحب فيك أفكاري. بحب فيك سعادتي. بحب فيك أماني. أنا بحبك فعلًا.
هو: إزاي بتحبيني وخايفة وتحبيني؟!
هي: خايفة أحبك الحب اللي مش عارفاه. خايفة أحبك الحب اللي مافيش فيه "أنا" وفيه "إحنا".
هو: إحنا إيه؟
هي: تفتكر تفرق؟
هو: *صمت*
هي: أنا خايفة !
هو: لك حق!
No comments:
Post a Comment