Tuesday, September 23, 2008

أحلى نكتة


كيف عرف الخليفة؟
خرج أحد الخلفاء العباسيين متنكرا من أجل الصيد والقنص ‏,‏ فلما ابتعد عن العاصمة بغداد هطلت أمطار غزيرة وابرقت السماء وأرعدت‏..‏ واضطر الخليفة ومن معه الي الاحتماء بنجع قريب تقيم فيه قبيلة عربية من قبائل المنطقة‏ .‏ ورغم أن الخليفة كان متنكرا ولم يقدم نفسه‏,‏ فإن شيخ القبيلة التي نزلوا عليها أدرك من هيئة ملابس الضيوف ومن نوعية الخيل المطهمة التي يركبونها أنهم ضيوف غير عاديين ‏. ‏واتجه شيخ القبيلة الي الخليفة سائلا‏
.‏ـ من أي العرب أنت؟
قال الخليفة ـ من أبغض العرب للعرب‏.
‏قال شيخ القبيلة‏:‏ أمن قريش انت
؟قال الخليفة‏:‏ نعم من قريش‏.
‏سأل شيخ القبيلة‏:‏ ومن أي قريش انت؟
قال الخليفة‏:‏ من أبغض قريش لقريش‏.
‏قال شيخ القبيلة‏:‏ أمن عبد مناف أنت؟
قال الخليفة‏:‏ نعم من عبد مناف‏.‏
قال شيخ القبيلة‏:‏ ومن أي عبد مناف أنت؟
قال الخليفة‏:‏ من أبغض عبد مناف لعبد مناف
‏.‏سأل شيخ القبيلة‏:‏ امن هاشم انت؟
قال الخليفة‏:‏ نعم من هاشم‏
,‏ سأل شيخ القبيلة ـ ومن أي هاشم أنت؟
قال الخليفة‏:‏ من ابغض هاشم لهاشم‏.
شيخ القبيلة‏:‏ امن العباس انت؟‏..‏
قال الخليفة‏:‏ نعم من العباس‏.
‏سأل شيخ القبيلة‏:‏ ومن أي العباس أنت؟
قال الخليفة‏:‏ من ابغض العباس للعباس‏.
‏وهنا نهض شيخ القبيلة الذكي قائلا مرحبا‏..‏ أهلا أهلا ياأمير المؤمنين‏.

13 comments:

kochia said...

هي حقيقية الحكاية دي ؟

هي حلوة فيها فطنة وذكاء العرب بتاع زمان قبل العولمة

تحياتي

Shimaa Gamal said...

كوشيا منورانى

مش عارفة مدى حقيقة القصة بس هى من القصص المتداولة . أحمد بهجت كتبها قبل كده و حمدى قنديل كان دائمًا يحكيها . بس للأسف أنا مش بشوف فيها ذكاء شيخ القبيلة قد ما بشوف فيها طبع العرب .
الراجل عرف إنه الخليفة لإنه من أبغض العرب للعرب ، دائمًا كراهية بين العرب و بعض .

بمناسبة رمضان ، بتتفرجى على مسلسل أبو جعفر المنصور . أهو المسلسل ده اللى فكرنى بالقصة دى . شوية ناس مش طايقة بعض و بيقتلوا فى بعض فى سبيل السلطة و المال .

أشرف حمدي said...

ههههههههههههه
حلوة قوي النكتة دي بجد

Shimaa Gamal said...

أشرف حمدى نفسه منورنى
مش مصدقة نفسى

ألف شكر على الزيارة يا دكتور

كـــيــــــــارا said...

بجد الله

جميله جدا


كل سنه وانتي طيبه


تحياتي

Shimaa Gamal said...

و إنتى طيبة يا كيارا

نورتينى

soly88 said...

طيب لو خلينا السؤال كده:
من ابغض المصريين للمصريين ؟
يا ترى هيطلع مين

Shimaa Gamal said...

سؤال محرج يا سولى :)

المنايفة ؟؟ يعنى لو مشينا بنفس المنطق هههها

صباح الفل

Alkomi said...

الناس دي كانت معدية وواصلة

بس ده بديعته مش سريعة

في ناس تانية كانت بديهتها اسرع

اقولك

يروى ان ابوجعفر المنصور سير جيشا و امر عليه قائدا سماه العلاء

و خرج العلاء بالجيش
و اخرج منه دورية استطلاع و استدعى قائدها و شجعه ثم ودعه قائلا

سر فلا كبا بك الفرس

فرد القائد العسكري بسرعة بديهة يحسد عليها

دام علاء العماد

انا هسيب الكومنت يومين تفكري فيه و ارجع اشوفك

هلل عرفتي فين البداهة ولا ماعرفتيش

كل سنة و انتي طيبة

Shimaa Gamal said...

محمد
هو أنا أبو جعفر ده ورايا فى كل حتة :) أنا خايفة أفتح الحنفية ألاقى أبو جعفر و بيتين شعر مش فهماهم :)

سأبذل قصارى جهدى لفهم الجملتين و لكن عايزة وعد إنه لما يغلب حمارى تفسرهالى

شكرًا على الزيارة و كل سنة و إنت طيب

Alkomi said...

بصي يا ستي الراجل قاله اييييييييه

سر فلا كبا ب الغرس

لو دققتي في العبارة دي هتلاقيها تتقرا من اليمين زي ما تتقرا من الشمال

راح رادد عليه بعبارة برضه تتقرا من اليمين زي المال

دام علاء العماد

اي خدمة و مستني زياراتك

Shimaa Gamal said...

ياااااه ده أنا لو فضلت للسنة الجاية مكنش هايجى فى دماغى موضوع إنها تتقرى من الناحيتين

ألف شكر على التوضيح و أنا مشوار صغير للصعيد يومين و تلاقينى لاجئة عندك مش زيارة بس :) لإن الزيارة اللى قبل كده كانت مرور سريع لما أرجع إن شاء الله تكون على رواقة

كل سنة و إنت طيب

سكندري said...

يا نهار أبيض
قائد الجيش بيقول سر فلا كبا بك الفرس
وقائد السرية يرد عليه في ساعتها ويقول دام علاء العماد
دا انا لو قعدتأفكر لمدة شهر علشان أرد عليه رد كويس مش هتجيلي الفكرة ده ولو جت مش هعرف أجيب الجملة اللي تتقرا من اليمين ذي ما تتقرا من الشمال
دا أحنا في الضياع عل كده بقي