سطور من رسالة لم ترسل أبدًا

يوليو 2005

حبيبى أنا مش عارفة أبتدى منين .

إنت قادر تفهم لما تلاقى كل حاجة فجأة ضاعت . لازم تحس بيا و تفهمنى

 مش سهل عليا أبداً إنى أستمر فى سكة أخرتها ندم .

لأنك مش هاتخسر حاجة أنا اللى بخسر كل يوم حاجة جديدة و بيتكتب فى تاريخى سطر خبرة زيادة 

 صديقي قال أن كلمة بحبك اللى بيقولهالك دى وعد . و هو راجل و فاهم يعنى إيه يوعد واحدة و هو عارف إنه هايخلى بيها

أنا مصدقاك ، فاهمة الظروف . بس فاهمة إن مافيش حد بيعمل حاجة غصب عنه . اللى عايز حاجة بيفكر يعملها إزاى

 إنت بتظلمنى أنا لما بتحطنى فى الموقف ده .

أنا عارفة إنها غلطتى أنا إنى حبيتك و غلتطى أنا إنى معرفتش أخبى الحب ده .

 بس أعمل إيه مش بإيدى . حولت أشغل نفسى بأى حاجة أو أى حد . بس لقيتك إنت كمان حاسس نفس الإحساس اللى أنا حاسة به .

و الله أنا كفاية عندى بس إنك تحبنى 

أنا خايفة أقتلك ، أنا بفكر فى الفكرة دى فى اليوم ألف مرة 

 تعرف بينى و بين نفسى بقول يا رب العريس ما يرجع بس برضه  دماغى بتقولى وبعدين . هافضل طول عمرى من غير جواز . هو أنا فعلاً مش عايزة أتجوز . مش عايزة كل المسئوليات اللى هايزودها الجواز فوق دماغى . أنا عندى كفاية . بس أنا عايزة ألاقى حد جنبى . عايزة راجل أتسند عليه . عايزة راجل يملى حياتى ، يبعد عنى كل واحد زى .... . عايزة راجل أحبه . كل ده يخلينى أفكر فى كل الفرص المتاحة قدامى . بس المشكلة إنى هاخد قرارى برضه بقلبى .


======

لإن التاريخ يكرر نفسه لأولئك الذين يظننون أنهم قادرون على تغييره . تتخلف الوجوه ، و تبدو بعض التفاصيل جديدة و لكن تبقى النتيجة ... رسالة لا ترسل أبدًا و جراح لا تندمل مع الزمن .