Wednesday, March 20, 2013

ده كثير ؟

أنا مش عايزة أتجوز

أنا عايزة أتحب

عايزة أتنفس

عايزة أعيش

عايزة بني آدم واحد يختارني

يفضلني على حاجات تانية مهمة و غالية في الكون

أنا مش عايزة أعيش ضل على الأرض

أنا عايزة أطير

عايزة الحرية

بني آدم واحد يقبلني بعبلي

بوشي الأصلي

بجنوني

بغبائي

بني آدم واحد يفضل موجود ، مايهربش ، مايجريش

مش عايزة أتجوز ، مش عايزة فستان و عيال .

بس أحب و أتحب و أعيش


ده كثير ؟

11 comments:

Anonymous said...

مش قادر احدد هل كلامك مجازا أو حقيقة ؟
هل فعلا مش عايزة تتجوزي ولا قصدك مش عايزة جواز تقليدي؟
عموما الجواز من الشخص المناسب هو السبيل الوحيد لتحقيق اللي نفسك فيه ،
جميل يبقى في حد بيحبك و يتفهمك و يتقبلك على بعضك زي ما انت كده بس لو مش آخر ده كله جواز يبقى ملهاش لازمة لأنه في الآخر هيرجع لحياته و انت ترجعي لوحدتك بدونه ، تحياتي برده :)

egyptian eye said...

It's a dreamy & inspirational bucket list .. do not give up before Achieving what you deserve . :)

egyptian eye said...

it's a dreamy & Inspirational bucket list , do not give up before achieving what you deserve . :)

Shimaa Gamal said...

hello karim

the "what you deserve" sort of unknown. how would you know what u deserve?

maybe what u got is exactly what u deserve.

Shimaa Gamal said...

عزيزي غير معرف

ليه الجواز أخر ؟ ليه الجواز مش مجرد طور من أطوار العلاقة . مش ضرورة

ليه الناس بتمشي ؟ ليه مايستمروش من غير جواز ؟

Anonymous said...

عشان مجتمعنا كده ، إحنا مش عايشين بمعزل عن البيئة المحيطة بينا ، حتى الصداقة اللي بين اتنين بتختلف لما الاتنين يتجوزوا و لو استمرت بتستمر في الخفاء عشان شركاء حياتهم ما يزعلوش لو عرفوا ، و ف نفس الوقت صعب تفضل صداقة أو علاقة زي ما بتسميها و تستمر بدون جواز ، و لما يتم الجواز للأسف مابيكونش طور من أطوار العلاقة زي ما كنا بنتخيل ، هموم الحياة و الأطفال و المسئولية الاجتماعية و حاجات تانية كتير بتغير طبيعة العلاقة ، من الآخر حلقة مفرغة

Shimaa Gamal said...

أنا مش عايزة كده

أنا عايزة أعيش

Anonymous said...

ما هو للأسف زي ما قلنا في قواعد بتحكمنا و مضطرين نتعايش معاها و لنحاول على إد ما نقدر نتكيف معاها و نحاول نحقق اللي بنحلم به ، ساعات بيبقى في إطار القواعد اللي حوالينا و ساعات براها بس لو خدنا قرار انه يبقى براها لازم نتحمل تبعات القرار ده ، و ده اللي كتير مابيقدرش عليه ، لازم اللي تختاريه يكون موافق على كده عشان انتي مش هتعيشي لوحدك

egyptian eye said...

i believe in the will of the soul , we deserve what we dreaming about & trying with all power to achieve , maybe it's a naivety but still a method to live misery life .. i'm not a wiser but that's how i convince myself :) maybe i will win a round once even if it was once on a life time .. sorry for my gab :)

egyptian eye said...

i believe in the will of the soul , we deserve what we dreaming about & trying with all power to achieve , maybe it's a naivety but still a method to live misery life .. i'm not a wiser but that's how i convince myself :)maybe i will win a round once even if it was once on a life
time .. sorry for my gab :)

L.G. said...

شيماء
مين مش عايز اللي انت بتقوليه راجل او ست ؟ مين بس
بس لازم تضحي بحاجة عشان حاجة مفيش حد بياخد كل حاجة
أنا مع كلام غير معرف كلمة كلمة
المجتمع والدين والعرف حاجات برضه مهمة ولازم نحترمها وايه الغاية من علاقة بدون زواج بدون بيت واطفال ولما بتجيجي الاطفال بتستغني عن حريتك في حاجات كتيرة عشان تسعديهم انت لو اتجوزت اللي بتحبيه وتحترميه حتلاقي كل حاجة ولو ملقتيش برضه ترضي ولو بأقل شوية انا رايي ان الجواز مهم وحتى لو ربنا مرزقناش بالراجل اللي كنا بنحلم بيه اننا نكمل حياتنا بجواز وخلاص برضه مهم لكن الوحدة قاتلة والعيال حاجة مهمة جدا ربنا يرزقنا زي كده لما يجي عيد الام والاقي كل اللي حواليا عندهم عيد وانا لأ ساعتها بتمنى ضفر عيل حتى لو من راجل بحترمه وبعزه مش بحبه قوي يعني :)
شوفي يا بنتي الجواز حصن بجد اللهم ارزقنا بالأزواج الصالحين وفض علينا من كرمك نكون لهم محبين :) تمام كده ياريس
حبقى أكلمك بكرة :)))
سماح
ملحوظة آه كتير جدا ومبقاش منه في السوق