Sunday, June 9, 2013

ريشة ف هوى

كتبت فيما كتبت : 

الفكرة بتيجي و بتروح . كل لما تيجي أقول أكتبها و لما أجي أكتبها أقول هاتبقى صادمة زيادة . و بعدين أقول أكتبلك . و بعدين ما أعرفش أكتبلك . حتي و أنا ناوية و أنا بأكتب إني ما أبعتش الكلام .

الحقيقة ، إن مافيش كلام بيتكتب بنية إنه مايتبعتش . مافيش كلام بيتكتب علشان مايتقريش . كل الكلام بيتكتب علشان يتقري و لو مرة واحدة قبل ما نرميه و يحصل باقي الكلام .

المهم إن الفكرة بتضيع . و كل لما تضيع أفرح إنها ضاعت . و كل لما تيجي أقول أكتبلك . و بعد لما أكتبلك أقرر إن الفكرة صادمة ، مملة ، كئيبة ، حادة ، مؤلمة و لا تستحق الكتابة . 

لا تستحق الذكر .

" بحبك ... "

2 comments:

L.G. said...

اللي هو مين بأه
اكتبي يا ماما اكتبي ومش حنقري حنبص بس :))))))

Shimaa Gamal said...

أديني بأكتب :) هارياكوا كتابة بقالي يومين :)