Saturday, February 15, 2014

الزوجة vs العشيقة




في حياة كل رجل إمرأتان .. واحدة بتحبه ومش مراته . و واحدة مراته و مش متأكده بتحبه ولا لأ .

يتزوج الرجال في هذا الجزء من العالم لإعتبارات عديدة ، أهمها على الإطلاق إجتماع كل الصفات التي يبغضها في المرأة في زوجته .

يشكو الرجل من المرأة الغبية ، الزنانة ، ظل أمها ، ذات الصديقات سيئات التأثير .. و لكنه يتزوجها ، علشان الظروف جت كده .

يمدح الرجل المرأة الذكية ، المتفهمة ، التي تترك له مساحة من الحرية ، التي لا تلعب ألاعيب النساء من كر و فر ، صاحبة الرأي و الشخصية التي لا تتأثر بالأم ولا الصديقات ..

لا يتزوج الرجل من هذه المرأة أبدا .. هذه المرأة هي العشيقة الأبدية ..

يتزوج بالأولى لإن الظروف جت كده .. و لا يتزوج بالثانية لإنه أو لأنها كده ..


عزيزتي المزة .. كوني له نكدية غير ذات شخصية ؛ يكن لك زوجا أبديا !


3 comments:

Anonymous said...

الوش بتاع المرأة الذكية ده بيكون في الأول .. لما يكون الراجل تفكيره مركز في حاجة واحدة بس .. و بعد الغرض ينتهي ... يكتشف لميس ماتش

Shimaa Gamal said...

تقصد إنه بيقول للست إنها ذكية بس علشان يعدي دفاعاتها و يوصل للهدف ؟

و الميس ماتش إنه ماكنش عايز منها غير نومة ؟

طيب هو اللي بيتجوزها بقى بتبقى ماتش ؟

طيب لما هي ماتش ، الرجالة اللي ماشية تشتكي من الجواز و الستات دول إيه ؟

كدابين مش كده ؟

Anonymous said...

أنا قصدي أن الراجل لم يوفق في اختياره .. المرأه النكدية بتكون زكية في نظره .. تحولها لنكدية بيكون من وجهة نظره برضه ..
في الأول هو مش بيكون واخد باله من كل صفات الست البيرتبط بها .. جزء كبير بيكون مركز على الشكل .. لكن لما يشبع بأي طريقة منها ..يكتشف أنهم مش على وفاق في التفكير ..
ومن هنا يبتدي يحن لزميله في الشغل اشتعله مع بعض .. علشان هيا فاهمه في "الشغل" أكتر ..
القصد هو عدم توفيق من الراجل قبل الست ...
مفيش راجل في الزمن ده حيجبر نفسه على جوازه لو الوحدة نكدية ..
نكدية المرأة ممكن علشان الراجل مش راضي يتنازل .
بس برضو ممكن الست تكون برضو مش تتنازل و مناكد على الرجل ..


الراجل اللي تيجوز علشان نفسه كل ست حتبقى نكدية بالنسبالهه .. حتى اللي شايفها زكية

http://sethadamsmith.com/2013/11/02/marriage-isnt-for-you/