ليلة القدر

السنة دي دعائي في ليلة القدر كان خارج الصندوق. دعيت بكل قوتي ان ده يكون اخر رمضان ليا. واموت قبل رمضان الجاي. 

لأني فعلا زهقت ولم اعد أحتمل هذه الحياة. 

هنشوف بقى هكمل في الشقاء ده كثير ولا ربنا هيتقبل الدعاء ويرحمني من عذابي. 

ناس كثير مش شايفة اني معذبة. وده في ذاته عذاب. 

ولو فكرنا فيها هنلاقي ان وحدة وظلمة القبر ربما أرحم من وحدة وظلمة والحياة. 

يالا .. 

أزمة

 

علاقتنا بتمر بأزمة عنيفة، وجزء من الأزمة دي انه مايعرفش إن العلاقة في أزمة أصلًا.

بس السؤال؟ هو فعلًا ما يعرفش؟

أشك! 

ماشيين على الأشواك .. أو زي ما بيقول الخواجات ماشيين على ثلج رقيق

ليقضي الله أمرًا كان مفعولًا 

إنتقام

كل "إنتقام" في حياتي ثبت بالتجربة والإختبار انه انتقام من نفسي ..

ما حدش تضرر نهائيا .. في الخمسة وأربعين سنة اللي عشتهم على الأرض، من حاجة عملتها علشان أعاقبه.

أنا بس اللي بتضرر وبإستمرار.

الحياة بتستمر بدوني عادي .. لكن انا حياتي اللي بتعطل. 

أنا اللي بتألم .. وأنا اللي بدفع الثمن

كل انتقام عملته انتهى به الأمر انه بقى انتقام من نفسي.

مش عارفة ده غباء ولا تعمد 

طعم الدموع

أيهم أكثر ملوحة دموع الحسرة أم دموع الحزن؟

اختباء

بتحبيه ليه؟

يطاردني السؤال. تارة على الألسنة وتارة بأفكاري.

افشل في الإجابة. أو للدقة أفشل في معرفة السبب، فأسكت الألسنة بجملة رنانة لا تنجح في إسكات الأفكار

"لا يوجد حب مسبب!"

تلح الفكرة؛ "مادام مش لاقية أي سبب بتحبيه علشانه يبقى عمرك ما حبتيه". 

تحاصرني ايامي، تحاوطني الكربات اليومية فلا أجد مهربا إلا إليه. 

لا أحتاج حتى لمحادثته لتنقشع غيومي. يكفيني الفكرة.

تأخذني أفكاري إليه، أتخيلنا في أماكن عدة، نمارس أنشطة عدة، أتخيل حتى حفل زواجنا وكيف يمكن له أن يكون. 

أهرب من كرباتي اليومية بخيالات وضلالات هو محورها.

 

هذا هو السبب إذن .. أحبه لأنه المخبأ. 

او كما تصف ثقافات بعيدة المكان/ الموقف / الظرف الذي يشهر فيه المرء بالسعادة بال happy place. 

أحبه لإنه my happy place

 

تحاصرني الدنيا فأختبيء فيه.

صدام!

هو: إنت عايزة ايه؟

هي: أنا عايزاك

هو: ما أنا أهو .. عايزة ايه؟

هي: عايزاك!

القاموس - ١

هو: أنا ما ببقاش فاهم .. (مع التنهيد والأفأفة)

الترجمة: أنا مش مهتم ومش عايز أعرف عنك حاجة أصلا ما تقرفينيش